Welcome to WatanPunjabi.ca
ਕੈਨੇਡਾ ਦੇ ਪੰਜਾਬੀ ਸਾਹਿਤਕ ਇਤਿਹਾਸ ਵਿੱਚ ਡਾ: ਦਰਸ਼ਨ ਗਿੱਲ ਦਾ ਨਾਂ ਹਮੇਸ਼ਾਂ ਯਾਦ ਰਹੇਗਾ
ਸੋਹਣ ਕਾਦਰੀ ਰਵਾਇਤ ਸਿ਼ਕਨ ਕਲਾਕਾਰ
 

ਬਲਰਾਜ ਚੀਮਾ

ਕਹਾਣੀ / ਪਾਲੀ
 

ਰਣਬੀਰ ਜੌਹਲ

ਤਿੰਨ ਕਵਿਤਾਵਾਂ
 

ਮੰਗੇ ਸਪਰਾਏ

ਤਿੜਕਦੇ ਰਿਸ਼ਤੇ
 

ਨਾਹਰ ਔਜਲਾ

ਹਿੰਦੀ ਨਾਵਲ ਦਾ ਅਨੁਵਾਦ / ਧਰਤੀ ਧਨ ਨਾ ਆਪਣਾ
 

ਜਗਦੀਸ਼ ਚੰਦਰ

ਸਥਾਈ ਕਾਲਮ / ਪਰਦਾ ਜੋ ਉੱਠ ਗਿਆ
ਕੰਜਿ਼ਉਮਰਿਜ਼ਮ ਅਤੇ ਵਾਤਾਵਰਨ ਦਾ ਨੁਕਸਾਨ
 

ਸੁਖਵੰਤ ਹੁੰਦਲ

ਪੰਜਾਬੀ ਭਾਈਚਾਰਾ ਤੇ ਧਰਮ
 

ਸਾਧੂ ਬਿਨਿੰਗ

ਸਕੀਨਾ
 

ਫ਼ੌਜ਼ੀਆ ਰਫੀਕ

ਕਾਫ਼ਲੇ ਵਲੋਂ ਜ਼ੰਗਾਲਿਆ ਕਿੱਲ ਅਤੇ ਤੜਪਦੇ ਅਹਿਸਾਸ ਦੀ ਮਹਿਕ ਤੇ ਭਰਵੀਂ ਗੋਸ਼ਟੀ
 

ਉਂਕਾਰਪ੍ਰੀਤ

ਇਕ ਤਰਕਸ਼ੀਲ ਵਿਆਹ
 

ਪ੍ਰਮਿੰਦਰ ਕੌਰ ਸਵੈਚ

ਹਿੰਦੀ ਕਹਾਣੀ / ਯੁੱਧ ਅਤੇ ਬੁੱਧ
 

ਮਧੂ ਕਾਂਕਰੀਆ

ਅਸਲ ਲੋਕ ਕਵੀ / ਸੰਤ ਰਾਮ ਉਦਾਸੀ
 

ਸੁਖਦੇਵ ਸਿੱਧੂ

   
 


ਇਕ ਤਰਕਸ਼ੀਲ ਵਿਆਹ
ਪ੍ਰਮਿੰਦਰ ਕੌਰ ਸਵੈਚ
 

 

(ਸਰ੍ਹੀ 17 ਜੁਲਾਈ 2011 ) ਤਰਕਸ਼ੀਲ ਸਭਿਆਚਾਰਕ ਸੁਸਾਇਟੀ ਆਫ ਕੈਨੇਡਾ ਨੇ ਨਵਾ ਸਮਾਜ ਸਿਰਜਣ ਵੱਲ ਇੱਕ ਹੋਰ ਪੁਲਾਘ ਉਦੋਂ ਪੁੱਟੀ ਜਦੋਂ ਸੁਸਾਇਟੀ ਦੇ ਮੈਬਰ ਸਰਬਜੀਤ ਉੱਖਲਾ ਦੀ ਬੇਟੀ ਮਨਦੀਪ ਕੌਰ ਉੱਖਲਾ ਦਾ ਵਿਆਹ ਸ: ਸੁਰਜੀਤ ਸਿੰਘ ਚੱਠਾ ਦੇ ਸਪੁੱਤਰ ਕੁਲਵਿੰਦਰ ਸਿੰਘ ਚੱਠਾ ਨਾਲ ਤਰਕਸ਼ੀਲ ਰਸਮਾ ਅਨੁਸਾਰ ਸੰਪਨ ਕੀਤਾ ਗਿਆ। ਚੱਠਾ ਪਰਵਾਰ ਅਤੇ ਉੱਖਲਾ ਪਰਵਾਰ ਦੇ ਰਿਸ਼ਤੇਦਾਰਾ ਅਤੇ ਸਨੇਹੀਆ ਨੇ ਇਸ ਵਿਆਹ ਨੂੰ ਸੁਚੱਜੇ ਢੰਗ ਨਾਲ ਨੇਪਰੇ ਚਾੜ੍ਹਨ ਵਿੱਚ ਵਧ ਚੜ੍ਹਕੇ ਸਹਿਯੋਗ ਦਿੱਤਾ ਅਤੇ ਰੱਜ ਕੇ ਵਿਆਹ ਦਾ ਅਨੰਦ ਮਾਣਿਆ। ਤਰਕਸ਼ੀਲ ਸਭਿਆਚਾਰਕ ਸੁਸਾਇਟੀ ਕੈਨੇਡਾ ਵੱਲੋਂ ਤਿਆਰ ਕੀਤੀਆ ਗਈਆ ਇੰਨ੍ਹਾ ਵਿਆਹ ਦੀਆ ਰਸਮਾ ਮੁਤਾਬਕ ਕੈਨੇਡਾ ਵਿੱਚ ਕੀਤਾ ਜਾਣ ਵਾਲਾ ਇਹ ਦੂਸਰਾ ਵਿਆਹ ਸੀ। ਇਸ ਤੋਂ ਪਹਿਲਾ ਵੀ ਸਰਬਜੀਤ ਉੱਖਲਾ ਜੀ ਦੀ ਵੱਡੀ ਬੇਟੀ ਸੁਖਵੀਰ ਉੱਖਲਾ ਅਤੇ ਜਗਵਿੰਦਰ ਸਿੰਘ ਸਹੋਤਾ ਦੇ ਵਿਆਹ ਸਮੇ ਇਹ ਰਸਮਾ ਪਹਿਲੀ ਵਾਰ ਅਮਲ ਵਿੱਚ ਲਿਆਦੀਆ ਗਈਆ ਸਨ। ਅੱਜ ਦੇ ਵਿਆਹ ਨੂੰ ਉਦੋਂ ਚਾਰ ਚੰਨ ਹੋਰ ਲੱਗ ਗਏ ਜਦੋ ਉਪਰੋਕਤ ਜੋੜੀ ਆਪਣੇ ਨਵ ਜਨਮੇ ਪੁੱਤਰ ਅਰਮਾਨ ਨਾਲ ਇਸ ਵਿਆਹ ਵਿੱਚ ਸ਼ਾਮਲ ਹੋਈ।

ਬਰਾਤ ਦੀ ਆਮਦ ਤੇ ਉਨ੍ਹਾ ਦਾ ਸਵਾਗਤ ਬੜੇ ਹੀ ਸਾਦਾ ਅਤੇ ਪ੍ਰਭਾਵਸ਼ਾਲ਼ੀ ਢੰਗ ਨਾਲ ਕੀਤਾ ਗਿਆ। ਚਾਹ ਪਾਣੀ ਛਕਣ ਉਪਰੰਤ ਲੜਕੇ ਅਤੇ ਲੜਕੀ ਦੇ ਮਾਤਾ ਪਿਤਾ ਨੂੰ ਸਟੇਜ ਉੱਪਰ ਬਿਠਾਇਆ ਗਿਆ। ਤਰਕਸ਼ੀਲ ਵਿਆਹ ਦੀਆ ਰਸਮਾ ਦਾ ਵੇਰਵਾ ਦਿੰਦਿਆ ਸੁਸਾਇਟੀ ਦੇ ਪ੍ਰਧਾਨ ਅਵਤਾਰ ਬਾਈ ਨੇ ਦੱਸਿਆ ਕਿ ਵਿਆਹ ਇੱਕ ਸਮਾਜਿਕ ਰਸਮ ਹੈ, ਜੋ ਦੋ ਜਿ਼ੰਦਗੀਆ ਦਾ ਹੀ ਨਹੀ ਸਗੋਂ ਦੋ ਪਰਵਾਰਾ ਸਮੇਤ ਉਨ੍ਹਾ ਦੇ ਰਿਸ਼ਤੇਦਾਰਾ ਤੇ ਸਨੇਹੀਆ ਦਾ ਮੇਲ ਵੀ ਹੈ। ਵਿਆਹ ਸਮਾਜ ਨੂੰ ਅੱਗੇ ਤੋਰਨ ਲਈ ਬਹੁਤ ਹੀ ਜ਼ਰੂਰੀ ਲੋੜ ਹੈ। ਵਿਆਹ ਨੂੰ ਸਹੀ ਢੰਗ ਨਾਲ ਨਿਭਾਉਣ ਲਈ ਸਮਾਜਿਕ ਸਦਾਚਾਰ ਵੀ ਉੱਨਾ ਹੀ ਜ਼ਰੂਰੀ ਹੈ। ਇਸੇ ਕਰਕੇ ਇਸ ਵਿਆਹ ਨੂੰ ਸਮਾਜਿਕ ਤੌਰ ਤੇ ਸੰਪੂਰਨ ਕਰਨ ਲਈ ਇਹ ਰਸਮਾ ਤਿਆਰ ਕੀਤੀਆ ਗਈਆ ਹਨ। ਲੜਕੇ ਅਤੇ ਲੜਕੀ ਨੂੰ ਆਪਣਾ ਜੀਵਨ ਸਾਥੀ ਚੁਣਨ ਦੀ ਪੂਰੀ ਖੁੱਲ੍ਹ ਦਿੱਤੀ ਗਈ ਹੈ। ਉਨ੍ਹਾ ਉੱਪਰ ਕਿਸੇ ਕਿਸਮ ਦਾ ਕੋਈ ਵੀ ਦਾਬਾ ਨਹੀਂ ਪੈਣ ਦਿੱਤਾ ਗਿਆ ਹੈ ਬਲਕਿ ਬੱਚਿਆ ਨੂੰ ਇਸ ਵਿਆਹ ਬਾਰੇ ਪੂਰੀ ਜਾਣਕਾਰੀ ਦ ਦੇ ਕੇ ਉਨ੍ਹਾ ਦੀ ਸਹਿਮਤੀ ਲੈ ਕੇ ਇਹ ਵਿਆਹ ਕੀਤਾ ਜਾ ਰਿਹਾ ਹੈ। ਅੱਜ ਇਨ੍ਹਾ ਰਸਮਾ ਰਾਹੀਂ ਜੋੜੀ ਜਿੱਥੇ ਆਪਣੇ ਮਾਤਾ ਪਿਤਾ ਅਤੇ ਬਜ਼ੁਰਗਾ ਤੋਂ ਇਸ ਵਿਆਹ ਦੀ ਆਗਿਆ ਲਵੇਗੀ ਉੱਥੇ ਜੋੜੀ ਵੱਲੋਂ ਸਮਾਜਿਕ ਤੌਰ ਤੇ ਸਭ ਦੇ ਸਾਹਮਣੇ ਨਵੀ ਜਿ਼ੰਦਗੀ ਦੀ ਸ਼ੁਰੂਆਤ, ਅਤੇ ਗ੍ਰਹਿਸਤ ਜੀਵਨ ਦੀ ਸ਼ੁਰੂਆਤ ਦਾ ਐਲਾਨ ਵੀ ਹੋਵੇਗਾ।


ਮਿਥੇ ਹੋਏ ਪ੍ਰਗਰਾਮ ਅਨੁਸਾਰ ਲੜਕਾ ਅਤੇ ਲੜਕੀ ਆਪਣੇ ਬਜ਼ੁਰਗਾ ਤੋਂ ਆਗਿਆ ਲੈਣ ਲਈ ਅੱਗੇ ਵੱਲ ਵਧਦੇ ਹਨ। ਗੀਤ ਗਾਇਆ ਜਾਦਾ ਹੈ ਲੱਗੇ ਹਾ ਵਾਟ ਤੁਰਨ ਅਸੀਂ ਪੰਧ ਲਮੇਰਿਆ ਦੀ, ਆਏ ਹਾ ਲੈਣ ਆਗਿਆ....
ਮਨਦੀਪ ਉੱਖਲਾ ਅਤੇ ਕੁਲਵਿੰਦਰ ਚੱਠਾ ਦੇ ਖਾਣਾ ਪੀਣਾ ਰੈਸਟੋਰੈਟ ਸਰ੍ਹੀ ਵਿਖੇ ਹੋਏ ਇਸ ਵਿਆਹ ਸਮਾਗਮ ਸਮੇ ਇਹ ਗੀਤ ਜਗਵਿੰਦਰ ਸਿੰਘ ਸਹੋਤਾ ਅਤੇ ਮੇਜਰ ਸਿੰਘ ਬੋਪਾਰਾਏ ਨੇ ਬੜੀ ਹੀ ਜੋਸ਼ੀਲੀ ਅਤੇ ਸੁਰੀਲੀ ਅਵਾਜ਼ ਵਿੱਚ ਗਾਇਆ, ਗੀਤ ਪੂਰਾ ਹੋਣ ਉਪਰੰਤ ਲਾੜੇ ਅਤੇ ਲਾੜੀ ਦੇ ਮਾਤਾ ਪਿਤਾ ਸੁਰਜੀਤ ਸਿੰਘ ਚੱਠਾ, ਸ਼੍ਰੀਮਤੀ ਚਰਨਜੀਤ ਕੌਰ ਚੱਠਾ, ਸਰਬਜੀਤ ਉੱਖਲਾ ਅਤੇ ਲਖਵੀਰ ਕੌਰ ਉੱਖਲਾ ਨੇ ਜੋੜੀ ਦੇ ਗਲਾ ਵਿੱਚ ਹਾਰ ਪਾਕੇ ਜੀਵਨ ਸਾਥੀ ਬਣਨ ਦੀ ਇਜਾਜ਼ਤ ਦਿੱਤੀ, ਉਪਰੰਤ ਲਾੜੇ ਅਤੇ ਲਾੜੀ ਨੇ ਵਰ ਮਾਲਾ ਪਾਕੇ ਇੱਕ ਦੂਜੇ ਨੂੰ ਜੀਵਨ ਸਾਥੀ ਅਪਣਾ ਲਿਆ, ਉਪਰੰਤ ਲਾੜੇ ਲਾੜੀ ਦੇ ਮਾਤਾ ਪਿਤਾ ਨੇ ਜੋੜੀ ਨੂੰ ਇੱਕ ਸੂਹੀ ਫੁਲਕਾਰੀ ਨਾਲ ਢਕ ਕੇ ਉਨ੍ਹਾ ਨੂੰ ਪਤੀ ਪਤਨੀ ਵਜੋਂ ਵਿਚਰਨ ਲਈ ਅਸ਼ੀਰਵਾਦ ਦਿੱਤਾ। ਇਸ ਤੋ ਬਾਅਦ ਜੋੜੀ ਨੇ ਪੰਡਾਲ ਵਿੱਚ ਹਾਜਰ ਰਿਸ਼ਤੇਦਾਰਾ ਤੇ ਸਨੇਹੀਆ ਪਾਸੋਂ ਸਹਿਮਤੀ ਲੈਣ ਲਈ ਹਾਲ ਵਿੱਚ ਇੱਕ ਫੇਰਾ ਪਾਇਆ ਜਿਸ ਦੌਰਾਨ ਸਾਰੇ ਹੀ ਹਾਜ਼ਰ ਸਨੇਹੀਆ ਵੱਲੋਂ ਜੋੜੀ ਉੱਪਰ ਫੁੱਲ ਪੱਤੀਆ ਦੀ ਵਰਖਾ ਕਰਕੇ ਸਹਿਮਤੀ ਦਿੱਤੀ ਗਈ। ਇਹ ਰਸਮ ਪੂਰੀ ਹੋਣ ਉਪਰੰਤ ਹਰ ਇੱਕ ਨੇ ਜੋੜੀ ਨੂੰ ਸ਼ੁਭਕਾਮਨਾਮਾ ਦਿੱਤੀਆ ਅਤੇ ਗੀਤ ਸੰਗੀਤ ਸ਼ੁਰੂ ਹੋ ਗਿਆ ਭੰਗੜੇ, ਗਿੱਧੇ ਅਤੇ ਧਮਾਲ ਵਿੱਚ ਸ਼ਾਮਲ ਹੋ ਕੇ ਹਰ ਇੱਕ ਨੇ ਖੁਸ਼ੀ ਮਨਾਈ ਅਤੇ ਇਹ ਦੌਰ ਕਾਫੀ ਲੰਮਾ ਚੱਲਿਆ। ਮਾਹੌਲ ਇਸ ਕਦਰ ਰੰਗੀਨ ਬਣ ਗਿਆ ਕਿ ਲਾੜਾ ਲਾੜੀ ਉਨ੍ਹਾ ਦੇ ਮਾਤਾ ਪਿਤਾ ਅਤੇ ਹੋਰ ਬਜੁ਼ਰਗ ਵੀ ਨੱਚਣੋ ਨਾ ਰਹਿ ਸਕੇ।


ਇਹ ਗੱਲ ਵਿਸ਼ੇਸ਼ ਜਿ਼ਕਰਯੋਗ ਹੈ ਕਿ ਤਰਕਸ਼ੀਲ ਮੈਬਰ ਆਪਣੇ ਅਤੇ ਆਪਣੇ ਬੱਚਿਆ ਦੇ ਵਿਆਹ ਸਮੇ ਜੀਵਨ ਸਾਥੀ ਦੀ ਚੋਣ ਵੇਲੇ ਜਾਤ ਪਾਤ, ਧਰਮ, ਨਸਲ ਆਦਿ ਦੀਆ ਵਲਗਣਾ ਤੋਂ ਉੱਪਰ ਉੱਠਕੇ ਇਨਸਾਨੀਅਤ ਦੇ ਆਧਾਰ ਤੇ ਫੈਸਲੇ ਕਰਦੇ ਹਨ। ਹਾਣ ਪ੍ਰਵਾਣ ਅਤੇ ਵਿਦਿਅਕ ਯੋਗਤਾ ਨੂੰ ਪ੍ਰਮੁੱਖਤਾ ਦਿੱਤੀ ਜਾਦੀ ਹੈ। ਇੱਥੇ ਇਹ ਗੱਲ ਵੀ ਵਰਨਣ ਯੋਗ ਹੈ ਕਿ ਵਿਆਹ ਦੀਆਂ ਇੰਨ੍ਹਾ ਰਸਮਾ ਨੂੰ ਤਰਕਸ਼ੀਲ ਸੁਸਾਇਟੀ ਪੰਜਾਬ ਵੱਲੋਂ ਵੀ ਪ੍ਰਵਾਨ ਕਰ ਲਿਆ ਗਿਆ ਹੈ ਤੇ ਪੰਜਾਬ ਵਿੱਚ ਵੀ ਅਜਿਹੇ ਤਰਕਸ਼ੀਲ਼ ਵਿਆਹਾ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਬਹੁਤ ਹੀ ਜਲਦੀ. ਅਗਲਾ ਵਿਆਹ..ਤਰਕਸ਼ੀਲ ਵਿਆਹ। (ਪ੍ਰਮਿੰਦਰ ਕੌਰ ਸਵੈਚ)

Welcome to WatanPunjabi.ca
Home  |  About us  |  Font Download  |  Contact us

2007-08 WatanPunjabi.ca, Canada

Website Designed by Gurdeep Singh +91 98157 21346